Liverpool မှထွက်ခွာပြီးနောက် Trabzonspor နှင့် ဆွေးနွေးမှုများ ပြုလုပ်နေသည့်အဆင့်သို့ ရောက်ရှိလာခဲ့တဲ့ Mohamed Salah

Mohamed Salah တစ်ယောက် Liverpool ကနေ ထွက်ခွာသွား ပြီးနောက်မှာတော့ တူရကီကလပ် Trabzonspor နဲ့ ဆွေးနွေးမှုတွေ ပြုလုပ်နေပြီး သူ့ရဲ့ ကစားသမားဘဝအတွက် အရေးပါတဲ့ အပြောင်းအရွှေ့တစ်ခုကို လုပ်ဆောင်ဖို့ ရေပန်းစားနေ ပါပြီ။ Anfield ကလပ်ကနေ ထွက်ခွာလာပြီးကတည်းက အလွတ်အေးဂျင့် ဖြစ်နေတဲ့ ဒီအီဂျစ် တိုက်စစ်မှူး ဟာ တူရကီစူပါလိဂ်ကလပ်နဲ့ နှစ်နှစ်စာချုပ် ချုပ်ဆိုဖို့ အပြီးသတ် ဆွေးနွေးနေတယ်လို့ သိရပါတယ်။

Trabzonspor ရဲ့ ဥက္ကဋ္ဌဖြစ်သူ Ertugrul Dogan ကလည်း ဒီအပြောင်းအရွှေ့ဟာ အချိန်တိုအတွင်းမှာပဲ အပြီးသတ်နိုင်လိမ့်မယ်လို့ ယုံကြည်မှုအပြည့်နဲ့ ထုတ်ဖော်ပြောဆိုထားပါတယ်။ သတင်း တွေအရ Mohamed Salah ဟာ ဆေးစစ်မှုတွေ ခံယူဖို့အတွက် Istanbul ကို ပျံသန်းတော့မှာဖြစ်ပြီး အရာအားလုံး အဆင်ပြေသွားရင်တော့ ကလပ်အသင်းနဲ့ စာချုပ်ချုပ်ဆိုသွားမှာ ဖြစ်ပါတယ်။

Mohamed Salah အနေနဲ့ Liverpool ကနေ ကလပ်မှထွက်ခွာသွား မှုဟာ ၄၄၂ ပွဲ ကစားပြီး ၂၅၇ ဂိုးအထိ သွင်းယူပေးခဲ့တဲ့ ၉ နှစ်တာ သမိုင်းဝင် ဖြတ်သန်းမှုကို အဆုံးသတ် လိုက်တာလည်း ဖြစ်ပါတယ်။ Liverpool မှာ ရှိနေစဉ်အတွင်း Premier League ဖလား နှစ်ကြိမ်နဲ့ Champions League ဖလား အပါအဝင် ဆုဖလားများစွာကို ဆွတ်ခူးနိုင်ခဲ့တာပါ။ ဒါပေမဲ့လည်း ပြီးခဲ့တဲ့ရာသီမှာတော့ ခြေစွမ်းပိုင်း မတည်ငြိမ်မှုတွေ ဖြစ်ပေါ် ခဲ့သလို အသင်းစီမံခန့်ခွဲမှုပိုင်းနဲ့ပါ လူသိရှင်ကြား သဘောထားကွဲလွဲမှုတွေ ရှိခဲ့ပါတယ်။

Trabzonspor ဆီ ပြောင်းရွှေ့မှာကတော့ Mohamed Salah အတွက် တူရကီမြေမှာ ကစားသမားဘဝကို ပြန်လည်ဆန်းသစ်ဖို့ အခွင့်အရေးကောင်းတစ်ခု ဖြစ်လာမှာပါ။ ပြီးခဲ့တဲ့ရာသီက တူရကီစူပါလိဂ်မှာ အဆင့် ၃ ရရှိခဲ့တဲ့ Trabzonspor ဟာ UEFA Europa League ပြိုင်ပွဲကို ယှဉ်ပြိုင်ရမှာဖြစ်လို့ Mohamed Salah အနေနဲ့ ဥရောပစင်မြင့်ထက်မှာ သူ့ရဲ့ အရည်အချင်းကို တစ်ကျော့ပြန် ပြသ ခွင့် ရရှိမှာ ဖြစ်ပါတယ်။

တကယ်တော့ Mohamed Salah ကို ခေါ်ယူဖို့ Major League Soccer နဲ့ ဆော်ဒီကလပ်တွေကလည်း ချိတ်ဆက်မှုတွေ ရှိခဲ့တာပါ။ ဒါပေမဲ့ Trabzonspor ကို ပြောင်းရွှေ့ဖို့ ဆုံးဖြတ်ခဲ့တာကတော့ ဥရောပရဲ့ ထိပ်တန်းအဆင့်မှာ ဆက်လက်ကစားချင်တဲ့ သူ့ရဲ့ ဆန္ဒကို ပြသ လိုက်တာလည်း ဖြစ်ပါတယ်။

တစ်ဖက်မှာတော့ Trabzonspor ရဲ့ ပြိုင်ဘက် Besiktas ကလည်း Mohamed Salah ကို ခေါ်ယူဖို့ စိတ်ဝင်စားခဲ့ပေမဲ့ ငွေကြေးပိုင်းဆိုင်ရာ သဘောတူညီမှု မရရှိခဲ့လို့ တွေ့ဆုံဆွေးနွေးမှုများ ပျက်ပြားခဲ့ရတယ်လို့ သိရပါတယ်။

အခုတော့ Mohamed Salah တစ်ယောက် ကစားသမားဘဝ စာမျက်နှာသစ်ကို ဖွင့်လှစ်ဖို့ ပြင်ဆင်နေပါပြီ။ တူရကီဘောလုံးလောကရဲ့ စိန်ခေါ်မှုတွေကို သူ ဘယ်လိုကျော်ဖြတ်မလဲ၊ Premier League ရဲ့ အကျော်ကြားဆုံး ကစားသမားတစ်ဦးအဖြစ် ခြေစွမ်းပြ ခဲ့တဲ့ ပုံစံကောင်းတွေကို ပြန်လည်ပြသနိုင်မလားဆိုတာ ပရိသတ်များ ကတော့ စိတ်လှုပ်ရှားစွာ စောင့်ကြည့်နေကြပါတယ်။