Chelsea မှ Celtic သို့ အငှားဖြင့် ပြောင်းရွှေ့လာခဲ့သည့် Shumaira Mheuka

Celtic အသင်းဟာ Chelsea တိုက်စစ်မှူး Shumaira Mheuka ကို ခေါ်ယူဖို့ သဘောတူညီမှု ရရှိခဲ့ပြီး အပြောင်းအရွှေ့ စျေးကွက် ထဲမှာ တကယ့်ကို လှုပ်ခတ်စေမယ့် လှုပ်ရှားမှုတစ်ခုကို လုပ်ဆောင်လိုက်ပြီ ဖြစ်ပါတယ်။ ဒီ England ယူ-၁၉ လက်ရွေးစင် ကစားသမားဟာ ဆေးစစ်မှုတွေကို အောင်အောင်မြင်မြင်နဲ့ အဆုံးသတ် နိုင်ခဲ့ပြီး စကော့တလန်ချန်ပီယံ Celtic ဆီကို တစ်ရာသီအငှားစာချုပ်နဲ့ ပြောင်းရွှေ့လာ တော့မှာပါ။

မကြာသေးခင်ကမှ Chelsea နဲ့ စာချုပ် သစ်ချုပ်ဆိုခဲ့တဲ့ Shumaira Mheuka ဟာ ပြီးခဲ့တဲ့ရာသီက Chelsea ယူ-၂၁ အသင်းအတွက် ၁၉ ပွဲ ကစားပြီး ၁၈ ဂိုးအထိ သွင်းယူကာ တစ်နှစ်တာအကောင်းဆုံးကစားသမားဆုကိုပါ ဆွတ်ခူးနိုင်ခဲ့တဲ့အထိ အစွမ်းပြခဲ့သူ ဖြစ်ပါတယ်။ သူဟာ Max Dowman ၊ Rio Ngumoha တို့လို လူငယ်ခြေတက် တွေနဲ့အတူ Chelsea လူငယ်အကယ်ဒမီ ရဲ့ အလားအလာအရှိဆုံး ကစားသမားတွေထဲက တစ်ဦးအဖြစ် သတ်မှတ်ခံထားရပါတယ်။

ဒါပေမဲ့ Chelsea နဲ့ Celtic တို့ကြားက သဘောတူညီမှုဟာ အငှားစာချုပ် သက်သက်သာဖြစ်ပြီး Blues တို့အနေနဲ့ ဒီတိုက်စစ်မှူးလေးကို အပြီးသတ်ရောင်းချဖို့ လုံးဝရည်ရွယ်ချက်မရှိတာကို ပြသနေပါတယ်။ Shumaira Mheuka ဟာ ပြီးခဲ့တဲ့ရာသီက Premier League မှာ လူစားဝင် ကစားခွင့်တချို့ ရရှိခဲ့ပြီး သူ့ရဲ့ပါရမီနဲ့ အဆင့်မြင့်ပြိုင်ပွဲအတွေ့အကြုံတွေကို ပြသနိုင်ခဲ့သူလည်း ဖြစ်ပါတယ်။

အခုအခါမှာတော့ သူဟာ စကော့တလန်မြေမှာ ခြေစွမ်းပြ ဖို့ ပြင်ဆင်နေပြီး Celtic တိုက်စစ်ပိုင်းက Kasper Hogh ၊ Johnny Kenny တို့လို တိုက်စစ်မှူးတွေနဲ့ ပွဲထွက်ခွင့်အတွက် အပြိုင်အဆိုင် ကြိုးပမ်းသွားရတော့မှာပါ။

အပြောင်းအရွှေ့ပိတ်ခါနီးအချိန်မှာ Celtic အသင်းဟာ ဒီစာချုပ်ကို အမြန်ဆုံးအပြီးသတ်နိုင်ဖို့ လျင်လျင်မြန်မြန် လှုပ်ရှားခဲ့တာ ဖြစ်ပါတယ်။ Shumaira Mheuka ရောက်ရှိလာတာဟာ လာမယ့်ရာသီမှာ ချန်ပီယံဆုကို ကာကွယ်ပြီး စကော့တလန်ဘောလုံးလောကကို ဆက်လက်ပွဲကိုလွှမ်းမိုး ထားနိုင်ဖို့ ကြိုးပမ်းနေတဲ့ Celtic ရဲ့ တိုက်စစ်ပိုင်းကို ပိုမိုအားကောင်းလာစေမှာ သေချာပါတယ်။

ဒါဟာ ဂိုးသမား Sam Johnstone ကို ခေါ်ယူပြီးနောက်ပိုင်း Celtic ရဲ့ အပြောင်းအရွှေ့ စျေးကွက် ထဲက နောက်ထပ် အားတက်သရော လှုပ်ရှားမှုတစ်ခုလည်း ဖြစ်ပါတယ်။

စကော့တလန်အပြောင်းအရွှေ့ပိတ်ဖို့ ရက်သတ္တပတ် အနည်းငယ် အလိုမှာ Celtic ပရိသတ်များ ကတော့ Shumaira Mheuka ရဲ့ ကစားဟန်ကို မြင်တွေ့ချင်နေကြပြီး Celtic Park မှာ သူဘယ်လိုခြေစွမ်းပြမလဲဆိုတာကို ရင်ခုန်စွာနဲ့ စောင့်ကြည့်နေကြပါတယ်။