အောက်တိုဘာ ၁ ရက် ပရီးမီးယားလိဂ် သတင်းအကျဉ်းချုပ်

အောက်တိုဘာ ၁ ရက် အတွက် Premier League ရဲ့ သတင်းထူးများကို FTZ က စုစည်းတင်ပြလိုက်ပြီး အပူတပြင်း တင်ဆက်ပေးလိုက်ပါတယ်။

၁။ Manchester United နဲ့ England ခံစစ်မှူးဟောင်း Chris Smalling ဟာ နွေရာသီက Al-Fayha ကလပ်ကနေ ထွက်ခွာခဲ့ပြီးနောက်ပိုင်း အသင်းလက်မဲ့ဖြစ်နေရာကနေ အခုအခါ ပေါ်တူဂီလိဂ်ရဲ့ ထိပ်သီး Porto အသင်းဆီ ပြောင်းရွှေ့ လက်မှတ်ရေးထိုး လိုက်ပါပြီ။ သူဟာ ထပ်တိုးသက်တမ်းတိုးခွင့် အပါအဝင် ရာသီကုန်အထိ သက်တမ်းရှိမယ့် စာချုပ် တစ်ရပ်ကို ချုပ်ဆိုခဲ့တာ ဖြစ်ပါတယ်။

၂။ Manchester United အသင်းကနေ ထွက်ခွာချင်နေတဲ့ လူငယ်ကစားသမားလေး JJ Gabriel ဟာ အောက်တိုဘာ ၆ ရက်နေ့မှာ အသက် ၁၆ နှစ် မပြည့်ခင် Old Trafford ကနေ ထွက်ခွာခွင့်ရဖို့ ကြိုးပမ်းနေပြီး လက်ရှိမှာတော့ Barcelona မြေမှာ ကိုယ်ပိုင်နည်းပြတစ်ဦးနဲ့အတူ သီးသန့်လေ့ကျင့်ခန်း ဆင်းနေပါတယ်။

၃။ Manchester United နဲ့ Chelsea အသင်းတို့ဟာ စာချုပ်ဖျက်သိမ်းကြေး ပေါင် ၆၈ သန်း ရှိတဲ့ Benfica ခံစစ်မှူး Tomas Araujo ကို ခေါ်ယူဖို့ နှစ်ဖက်စလုံးက စိတ်ဝင်စားနေကြတယ်လို့ သတင်းတွေ ထွက်ပေါ်နေပါတယ်။

၄။ Chelsea အသင်းဟာ ခံစစ်မှူးသစ် ခေါ်ယူရေးအတွက် Manchester United ကို ပြိုင်ဘက်အဖြစ် စိန်ခေါ်လာခဲ့ပြီး အခြားကလပ်နှစ်ခုကတော့ ဒီအပြောင်းအရွှေ့ပြိုင်ပွဲကနေ နှုတ်ထွက်သွားခဲ့ပြီလို့ သတင်းရင်းမြစ်တွေက ဖော်ပြပါတယ်။

၅။ ဒါပေမဲ့ သုံးပတ်ကြာ နားရက်ဟာ Arsenal ရဲ့ ဒဏ်ရာရ ကစားသမားတွေအတွက် အနားယူပြီး ဒဏ်ရာမှ ပြန်လည်သက်သာလာစေရန် အချိန်ကောင်းတစ်ခု ဖြစ်လာစေမှာပါ။ အောက်တိုဘာ ၁၀ ရက်နေ့မှာ ကလပ်အသင်းပွဲစဉ်တွေ ပြန်လည်စတင်ချိန်မှာတော့ Premier League ချန်ပီယံအသင်းဟာ Leeds United ကို Emirates Stadium မှာ ဧည့်ခံယှဉ်ပြိုင်သွားမှာ ဖြစ်ပါတယ်။